လူငယ်တွေအတွက် လူကြီးတွေရဲ့ပန္နက် – ၂

အရင်တစ်ပတ်က ”ဘဝ” တစ်ခုအတွက် ကျန်း မာရေးနဲ့ ပညာရေးဟာ အရေးအကြီးဆုံးပဲလို့ ရေးခဲ့ တယ်။ ဒါကြောင့် မိသားစု တစ်စုဟာ ကလေးတစ်ယောက် မွေးဖွားလို့ ဘဝကို စလိုက်ပြီဆိုရင် မိဘနှစ်ပါးက သူရဲ့ ကျန်းမာရေးနဲ့ ပညာရေးကို ဦးစားပေး ပြီး မြေတောင် မြှောက်ဖို့ အားထုတ်လေ့ရှိကြတယ်။

ဒီလိုပဲ။ နိုင်ငံသစ်တစ်ခုကို တည်ဆောက်တော့ မယ်ဆိုရင် တိုင်းသူပြည်သားတွေရဲ့ ကျန်းမာရေးနဲ့ ပညာ ရေးကို အခြေခိုင်အောင် တည်ဆောက်ပေးနိုင်ဖို့ တိုင်းချစ် ပြည်ချစ် အစိုးရဟူသမျှ ကြိုးစားလေ့ရှိကြတယ်။ ဒီကနေ့ ငါတို့အစိုးရ လုပ်ဆောင်တာတွေကို ကြည့်လိုက်ရင် အဲဒီအခြေခံအချက်နှစ်ခုကိုအထူးစိတ်ဝင်စားစွာ ပေးအားမြှောက်ပြုနေကြောင်း  မြင်သာထင်သာရှိပါတယ်။ ဒါကြောင့် ငါကမင်းတို့ မျိုးဆက်သစ်လူငယ်တွေအတွက် အားတက်နေမိတာ အမှန်ပါပဲ။ နောက်ပြီး မင်းတို့အတွက် အားပျက်နေမိ တာ လည်း ရှိသေးတယ်။
ရှင်းပြပါရစေဦး။
အားပျက်မိတာက ဒီနေ့ကလေးပေါက်စတွေအတွက် မဟုတ်ဘူး။ ဒီကနေ့ ကိုးတန်းဆယ်တန်းနဲ့ တက္ကသိုလ်အဆင့် ကို ရောက်နေကြတဲ့ လူငယ်တွေအ တွက် အားပျက်အားငယ်မိတာ အမှန်ပါပဲ။ မင်းတို့ စဉ်းစားကြည့်လေ။ နိုင်ငံတော်အစိုးရ က ပညာရေးကို အောက်ခြေမူလတန်းကစပြီး ကမ္ဘာ့ အရည်အသွေးမီအောင် မြှင့်တင်ပေးတော့မယ်။ ပညာရေး ဝန်ထမ်းဖြစ်တဲ့ ဆရာ၊ ဆရာမတွေ စတဲ့ ပညာရှင်များကို လည်း တတ်နိုင်သမျှ အရည်အချင်းလည်း မြှင့်ပေးမယ်။ လူနေအဆင့်အတန်းကိုလည်း တတ်နိုင် သမျှ ကြိုးစားမြှင့် တင်ပေးတော့မယ့် အရိပ်လက္ခဏာတွေ တွေ့နေရတယ်။
ငါထင်သလောက် ပြောလိုက်ရရင်တော့ ဘာ သာသာရပ်ဟူသမျှရဲ့ ပြဋ္ဌာန်းစာအဆင့်တွေကို မြင့်သထက် မြင့်လာအောင် ပညာရှင် ကြီးများနဲ့ညှိနှိုင်းဆောင်ရွက် တော့မှာ သေချာတယ်။ ဒီတော့ ကျောင်းသားတွေရဲ့ အရည်အချင်း အဆင့်အတန်းတွေဟာ နှစ်စဉ် နဲ့အမျှ တရိပ်ရိပ် တိုးတက်နေလိမ့်မယ်။ အစိုးရက အဲဒီလောက် တင်မကသေးဘူး။ တက္ကသိုလ် ပညာရေးကိုပါ ကမ္ဘာ့ အဆင့် အတန်းမီလာအောင် အားသွန်ခွန်စိုက် ကြိုးပမ်း လိမ့်မယ်။ လူအား၊ ငွေအား၊ အကြံဥာဏ်အား ဆိုတဲ့အားတွေကို သုံးပြီးရင်း သုံး လာ လိမ့်မယ်လို့ ငါ ယုံကြည်စိတ် ချနေမိတယ်။
ဒီတော့ ငါက မင်းတို့အတွက် ကြိုတင်ပြီး ဟော ကိန်းထုတ်လိုက်ချင်တယ်။ နောင်ဆယ်နှစ်ကြာတဲ့ကာလ မှာ ဆယ်တန်း (သို့မဟုတ်) တန်းမြင့်ကျောင်းထွက် စာမေး ပွဲအောင်လာတဲ့ ကလေးတွေရဲ့ အရည်အချင်းကို မင်းတို့လိုက်မ မီအောင်မြင့်တက် သွားလိမ့်မယ်။ အဲဒီကလေးတွေ က ပညာရေး စနစ်ကောင်းကို အမှီပြုရတယ် မဟုတ် လား။ ဒီတော့ မင်းတို့ထက် ကုသိုလ်ကောင်း တယ် ဆိုရ မှာပေါ့။
ငါတို့ ရန်ကုန်တက္က သိုလ်ဟာ ဟိုး … ရှေးခေတ်က ဆိုရင် အရှေ့တောင်အာရှမှာ အမြင့်ဆုံး ဖြစ်ခဲ့ဖူးတယ်။ ရန် ကုန်တက္ကသိုလ် က ဆယ်တန်း အောင်သွားရင် ကမ္ဘာ့ဘယ်နိုင်ငံ ဘယ်တက္ကသိုလ်မဆို အသိအမှတ် ပြုလက်ခံတယ်။ နောက်ပိုင်းမှာ တစ်စတစ်စ နိမ့်ပါးလာလိုက်တာ ရှေးခေတ် ပညာရေးဝန်ထမ်းဆရာ၊ ဆရာမကြီးများက ရင်တသပ်သပ် နဲ့ သက်ပြင်းချနေလောက်အောင်ဖြစ်ခဲ့ ရတယ်။ ဒီနှစ်အထိ အသက် ရှင်နေသေးတဲ့ တက္ကသိုလ် ဆရာ အိုကြီးတွေ၊ ဆရာမ အဘွားကြီး တွေကို မေးကြည့်လိုက်ရင် သူတို့ ဘဝ၊ သူတို့ပညာရေးနဲ့ မင်းတို့ခေတ်ပညာရေး ကွာဟပုံကို ရင်နာစွာ စုတ်တသပ်သပ်နဲ့ပြောပြပါလိမ့်မယ်။ ဒီတော့ ခုလာမယ့် ကလေးတွေ ဟာ မင်းတို့နဲ့စာတော့ ကံကောင်းတယ်လို့ မဆိုနိုင်ပေဘူး လား။
ဒီကနေ့ဆိုရင် အလွတ် ပညာသင်ကျောင်းတွေကို တရား ဝင် ဖွင့်ခွင့်ပေးထားပြီ။ ဒီတော့ ကမ္ဘာ့အဆင့်မီ ပညာရပ်အသီးသီး ကို သင်ပေးမယ်လို့ ကြေညာနေ တဲ့ ကျောင်းတွေလည်း အလျှိုလျှို ပေါ်လာနေတာ မင်းတို့ မျက်မြင် ပါပဲ။ ငါကတော့ ပညာတိုးတက် မယ်ဆိုရင် ဘယ်လိုပဲ လုပ်နေကြပါစေ။ မင်းတို့လူငယ်တွေအတွက် ဝမ်းသာနေမိတာပါပဲ။ ငွေကြေးကတော့ အကုန်အကျ များပေ သပေါ့ကွယ်။
ဒါပေမယ့် မောင်တို့ရေ  …။ တစ်ခုတော့ စိတ်ချထားပါ။ ဒီအစိုးရရဲ့ ချမှတ်ထားတဲ့ စီမံကိန်း မူအရ ပြောလိုက်ရမယ်ဆိုရင် အဲ ဒီ အလွတ်ကျောင်းတွေအားလုံး ထက် နိုင်ငံတော် အထက်တန်း ကျောင်းတွေ၊ တက္ကသိုလ်တွေက အပြတ်အသတ် သာသွားအောင် လုပ်ပါလိမ့်မယ်။ ဘာကြောင့်လဲ ဆိုတော့ သင်ပေးတဲ့ ပညာရေးဝန် ထမ်း ဆရာ၊ဆရာမတွေကလည်း အရည်အသွေး ပိုပြီးမြင့်မား လာ လိမ့်မယ်။ သက်ဆိုင်ရာ အစိုးရရဲ့ ထောက်ပံ့မှု ငွေကြေးအင်အားတွေ ကြောင့် သင်ထောက်ကူပစ္စည်း တွေ၊ စက်ကိရိယာ စွမ်းအားတွေကလည်း ပိုမိုမြင့်မားလာလိမ့်မယ်။ သင်ကြားရေးအတွက် ကုံလုံပြည့်စုံတဲ့ အဆောက်အအုံကြီးတွေလည်း ဟည်းနေအောင်ပေါ်ထွက်လာ လိမ့်မယ်။ အဲဒီအပြင် ကုလသမဂ္ဂ အစရှိတဲ့ နိုင်ငံတကာ အကူအညီ တွေကလည်း ဒလဟော ဝင်လာ လိမ့်ဦးမယ်။ ဒီတော့ နောင်ဆယ် နှစ်ကာလမှာ လူလားမြောက်လာ မယ့် မျိုးဆက်သစ်တွေရဲ့ ကုသိုလ် ကံကို မင်းတို့ မှန်းဆလို့ သာ ကြည့်ကြပါတော့။
တစ်ခုသေချာတာကတော့ ပညာရေးစနစ်ဟောင်းနဲ့ ကြီးပြင်း ခဲ့ရရှာတဲ့ မင်းတို့ခေတ် မျိုးဆက် သစ်တွေထက် နောင်ဆယ်နှစ် ကာလ မျိုးဆက်သစ်တွေက ပညာရေး ဘက်မှာ အဆပေါင်းများစွာ သာ လွန်နေလိမ့်မယ်ဆိုတာ ငါက ဟောကိန်းထုတ်လိုက်ရ ပါတယ်။

အောင်သင်း